La Conseyería de Movilidá, Mediu Ambiente y Xestión d’Emerxencies vien d’adxudicar a la empresa Sogener SDS S.L. les obres pa reforzar y ampliar la rede d’abastecimientu d’agua potable en Panizales y Piñella, nel conceyu d’Illas, por un importe de 352.512 euros. Esta actuación, cofinanciada pel Fondo Européu de Desenvolvimientu Rexonal (Feder), busca garantizar un suministru estable y solucionar les incidencies que surden nos periodos de mayor consumu.
El proyectu, que tien un plazu d’execución de 18 meses, contempla la construcción de nueves canalizaciones que van enlazar cola rede actual. Amás, instalaráse una nueva estación de bombeu pa facilitar l’arribada d’agua a les zones d’altor, onde la presión ye insuficiente. Pa ello, procederáse a la demolición d’una edificación existente.
La obra inclúi la instalación d’un sistema de paneles solares que va permitir reducir el consumu eléctricu y asegurar el funcionamientu de la estación de bombeu en casu d’interrupciones na rede. Tamién se va executar una nueva conexón a la rede de Cadasa, garantizando asina l’accesu a una fonte d’abastecimientu estable pa les pequeñes poblaciones y evitando cortes de suministru.
La actuación completarase cola meyora de los accesos a la estación de bombeu y coles conexiones precises a les redes d’agua y electricidá, pa garantizar el correctu funcionamientu de tola infraestructura.
