La Conseyería de Medio Rural y Política Agraria ha licitado les obres d'acondicionamientu del camín de Foncuaya a La Collada, nel conceyu de Yernes y Tameza, con un presupuestu de 133.908 euros y un plazu d'execución de cuatro meses. Les empreses interesades podrán presentar les so ofertes hasta'l 4 de noviembru.
La actuación afecta a una pista de 1,8 kilómetros que da serviciu a pastizales de montaña y majades. Los trabayos permitirán mejorar les condiciones de circulación y accesu a distintes zones ganaderas del monte de utilidá pública Las Tojacas y facilitarán el tránsito na zona.
En concretu, el proyectu garantizará el tránsito de vehículos y maquinaria agrícola pa realizar trabayos de desbroce, transportar ganáu y acceder a les árees de pastoreu, además de favorecer la llegada al espaciu cultural Aula Vital.
Les obres incluirán la regularización y compactación del firme y la limpieza de cunetes. Tamién s'instalarán nuevos elementos de drenaxe pa evacuar l'agua de lluvia y reducir la erosión. Además, estenderase una capa de triple tratamientu superficial bituminoso en 1,6 kilómetros, hasta les inmediaciones del Aula Vital, y el tramu restante s'acondicionará con zahorra.
Esta actuación enmárcase nel compromisu del Gobiernu d'Asturies con la mejora de les infraestructures rurales, una de les llínees de trabayu del Pactu por el Medio Rural. Este acuerdu impulsa mesures pa reforzar los servicios y equipamientos del terrotorio, mejorar la actividá agraria y favorecer la viabilidad de les explotaciones, pa contribuir al mantenimientu de la población y la actividá económica nos pueblos.
