26 d’ochobre de 2023
La Conseyería de Medio Rural y Política Agraria sacó a licitación por 115.072 euros les obres de mejora del camín que comunica cola llocalidá de Cueru, nel conceyu de Candamu. L’actuación busca reforzar la seguridá d’esta vía, de 1,1 kilómetros de llargor, mediante la ampliación de la plataforma, l’adecuación del drenaxe y la estabilización de los taludes.
El proyectu nun va modificar el trazáu orixinal del camín, pero sí va suponer la ampliación de la calzada hasta los 3,5 metros d’anchu, y hasta 4,5 metros nes curves más cerrades, lo que va facilitar el pasu de vehículos. Tamién ta prevista la construcción d’una cuneta de 60 centímetros d’anchu y la sustitución de la obra de drenaxe transversal nel cruce con un regatu, pa meyorar la evacuación de l’agua.
La obra, impulsada pola Conseyería de Medio Rural, tien un plazu d’execución de cuatro meses y va permitir adaptar la vía a les necesidaes del tráficu y favorecer la so conservación. Les empreses interesaes pueden presentar les sos ofertes hasta’l 26 d’ochobre na sede de la conseyería.
