El Gobiernu d'Asturies reafita'l so compromisu col anillu eléctricu central y descarta que los posibles retrasos na aprobación de la planificación estatal puedan afeutar a curt plazu a esta infraestructura clave pa la rexón.
El viceconseyeru d'Industria, Juan Carlos Campo, llanza un mensaxe de tranquilidá y destaca que l'anillu "ta lanzáu y avanzáu", al marxe de la planificación nacional. Campo esplicó que l'Executivu autonómicu y Red Eléctrica collaboren pa axilizar les fases previes de tramitación, lo que permitió xenerar un "colchón" de más de seis meses pa compensar posibles demores derivaes del nuevu calendariu electoral.
A pesar de que dalgunos procesos finales dependen de la aprobación definitiva de la planificación estatal, Campo recuerda que inda falten meses pa llegar a esi puntu y que la mayoría de los trámites administrativos yá s'avanzaron.
Nesti sentíu, anunció que la primer subestación vinculada a la nueva planificación, la de Reboria y les sos llinies de conexión hasta Zalia, saldrá a información pública de manera "inminente". Más palantre, a finales d'añu o a entamos de 2027, va siguir la subestación denominada Asturiana, completando asina l'anillu na zona central.
Sobre la planificación estatal, el responsable d'Industria considera que ye beneficiosa pa los intereses d'Asturies y reitera que'l diseñu de la red autonómica "ta prácticamente acabáu", a falta de les aprobaciones finales. Llama a la industria asturiana a confiar nos plazos d'execución del anillu central.
Pie de foto: De izquierda a derecha, Santiago Rodríguez Vega, presidente de la Autoridá Portuaria d'Avilés; Mariví Monteserín, alcaldesa d'Avilés; Antonio Fernández-Escandón, presidente de Femetal; Juan Carlos Campo, viceconseyeru d'Industria, y José Sicre, direutor de la Oficina Económica de Presidencia.
