La Conseyería de Movilidad, Medio Ambiente y Xestión d'Emerxencies adxudicó les obres de reparación del dique divisoriu del puertu de Navia, con un presupuestu de 625.319 euros. La empresa Marcor Xove S.L. será l'encargada de realizales con un plazu estimáu d'execución d'un añu.
La dársena interior del puertu ta separada de la ría por un dique divisoriu de tipoloxía vertical que tien unos 60 metros de llonxura y la protege de la corriente. L'acción continuada de les riades y los temporales durante los últimos años ha xeneráu daños na so cimentación, lo que ha provocáu l'apertura d'una grieta y el hundimientu de los últimos metros que ye necesario corregir y reforzar pa asegurar la estabilidad de la infraestructura.
La reparación de los desperfectos afrontaráse mediante la instalación de micropilotes nel fondo pa mejorar la cimentación y corregir el descalce del dique. Posteriormente, reconstruirase el paramentu vertical con bloques de formigón prefabricáu de tipoloxía similar a los existentes nel restu de la infraestructura.
Esta actuación enmarca dentro de les labories de conservación y mantenimientu que el Gobiernu d'Asturies desarrolla na red de los 24 puertos autonómicos.
