La tercer teniente d'alcalde y conceyala de Deportes, Concepción Méndez, presentó esta mañana'l XLVIII Troféu Princesa d'Asturies de Kárate xunto al presidente de la Federación Asturiana, Rufo Antonio Fernández González; el vicepresidente, Félix Bargados Díaz, y el direutor técnicu, Jesús Penas Fernández.
"Uviéu ye cuna del kárate, un deporte que forma parte de la identidá de la ciudá y d'Asturies. El torneu Princesa d'Asturies atrae cada añu a los meyores karateques nacionales ya internacionales, que vienen a competir al más altu nivel", destacó Méndez.
Méndez tamién recordó que "Uviéu ye Ciudad Europea del Deporte 2026, non solo pola práctica habitual, sinón por acoyer eventos como esti, que xunen lo más destacáu de cada disciplina y suponen munches hores de trabayu con escueles y clubes".
El presidente de la Federación Asturiana, Rufo Antonio Fernández, detalló que'l troféu va desenvolvese en cuatro xornaes: "Habrá cursos previos y posteriores a la competición. Javier Marín, seleccionador nacional de cadete y junior, va impartir un cursu antes del campeonatu. El sábadu pela mañana va celebrase la modalidad de kata y pela tarde la de combate. El domingu pela mañana, Pablo Arenas va dar otru cursu pa les categoríes sub-21 y senior".
Pela so parte, el direutor técnicu, Jesús Penas Fernández, señaló que "esti añu participen cerca de 500 competidores, con una cincuentena de clubes de Portugal, Andalucía, Madrid, Castiella y Llión, Galicia, Cantabria, País Vascu y, por supuestu, Asturies".
